The 23rd NTK Mission Field Youth Conference chu October 11-13, 2024 sûng khan Sarojini Unit-ah nei a nih.
October 11, 2024, Zirtâwpniin mikhuol hai fekhâwm a ni a. Zirtâwpni zân, Pastor Edward LR Biete, Area Pastor-in Conference hawngna a nei a, Unit tina inthawkin report ngâinuom um tak tak ngâithlâk a nih.
Hi Inkhâwmpui sûng hin Unit 23 a’nthawk Palâi mi 80 fekhâwmin, Rorêlna le Inruolsiekna, hieng: Solo (Malzâi), Group Bible Recitation, Group Song (Tonic-Solfa) le Lêngkhâwm Hla hai nei a nih. NTK Field Choir le Evan. Werolyn Lalṭhapui Faihriem, Rev. Thangngur Awardee 2017 hai a’nthawk inpâkna hla mawi tak tak le hring tak tak ngaithlâk a ni a. Mr. Jessai Halam, Evan. Phirlethang le Rev. L Noel Zote, F/S hai a’nthawk Krista ta dinga Ṭhalai thupuia hmangin Pathien thu ṭha tak tak el ngaithlâk a ni bawk.
Mikhuol mi 117 bâwr riek lûtin, inkhâwm zâtin mipui 300 bâwr inkhâwm hlak a nih. Pathienni chawhma inkhâwmah inchûkna tienga hlawtlingna chang hai kuomah lâwmpuina pêk an ni bawk.
October 13, 2024 Pathienni zânin Rev. L Noel Zote, F/S-in kum nâwk 24th Youth Conference, 2025-a inhmu nâwk ngei dingin, ditkhawp lo takin Conference a khâr.
Inkhâwmpui latu, Sarojini Unit hai hi Kohran member tlâwmte (in 14 vêl chau) ni hai sienkhawm an inpêkna hi a ropui khawp el a; tlung in le fâk le dâwn chungthuah Thawṭanni tûk chen hnesaw tak le hnieng inhnâr takin, bâwng meu thatin, inkhâwmpuia ṭhang hai po po ta dingin ruoi an buotsai pêk.
Source: Evan. Kalvari Tlanghmingthang, NTK Mission Field Correspondent
Im not sure where you are getting your information, however good topic. I must spend some time studying more or working out more. Thanks for excellent information I used to be looking for this info for my mission.