MUSIC AWARD BOARD

Choral & Music Award le inzawma hlapâwl le malzai inruolsiekna buoipui tu ding Board um a ta, Music Award Board ti ning a tih, Inruolsiekna result (Mark-sheet) hai chu endiktu/Hosts hai kuoma inthawk dawng an ta, result siem an tih.

Member dinghai:

  1. CKṬP Secretary
  2. YCO
  3. Executive committee in kum tin member ding 2 ruot hlak a tih

A. BUONGLIENKUNG CHORAL AWARD (HLA PÂWL INRUOLSIEKNA):

I. Choir competition/Hlapâwl Inruolsieknaa ṭhang thei dinghai:

  1. Unit ni sien, Presbytery Choir khawm ni sien, Presbytery KTP committee in Presbytery aiawtu dinga a siem taphawthai ṭhang thei an tih.
  2. Khawpui kohran, Headquarters-a inthlunghai chu an unit hmingin ṭhang thei an tih.
  3. Prebyteries/Khawpui kohran a inthawk hi inruolsiekna a ṭhang ding hin Pâwl pakhat bâk tir thei ni naw nih.
  4. Mission Field ruok chu huom naw ni a, Hla pawl inruolsiekna Mission field a dingin buotsai ning a tih.

II. Lawmman (Prize):

Buonglienkung Choral Award dawng ding chu percentage ah 75% anthawk a chung tieng a hmu ngai a ta, 75% chungtieng hmu insâng tak kuomah hi Choral Award hi inhlân nîng a tih.

  1. Buonglienkung Choral Award: Rs. 30000 + Trophy + Music Video pakhat
  2. Consolation prize: Rs. 3000 (Cash)

(Thil man le hlutnahai a hung danglam pei leiin a tul ang peiin Executive Committee in Choral Award prize hai hi review thawin suksâng/siemṭhang a tih, Award Cash prize lo pe belsa nuom an um khawma Concern Committee remtina lo chun Prize hai hrim hrim sukdanglam thei ni naw nih)

III. Endiktu (Judge):

Hla Pâwl inruolsiekna chu Assembly Musical Board in endiktu ding (Judge) a ruot haiin endik an ta, An hmatieng AMB secretary in Mark sheethai chu CKTP secretary kuomah submit a ta, Music Award Board haiin result siemfel an tih

IV. Music:

  1. Live music – Hla Pâwl inruolsiekna a hin live music rem puma inruolsiekna a ṭhang phal ni naw nih.
  2. Music track ruok chu hmang phal nîng a ta, Vocal backing ṭhangna ruok chu phal ni naw nih.
  3. Music track bo (acapella) khawma hla sak phal a nih.
  4. Music track nal le nal naw, music boa sak le sak naw thuah mark phur le pei iengkhawm um naw nih.

V. Choir Uniform:

Hmasâwnna chi khat a ni leiin hla pâwl inruolsiekna a ṭhang dinghai chu Uniforma inthuoma sak chu duthusâm a nih, Uniform boa thang khawm phal ning a ta, uniform a inthuom hai chun mark 10 hmung an tih.

VI. Inruolsiekna Hla Ding:

Hla sak ding chu mani Presbytery Conference a Hla pâwl inruolsiekna nuhnungtaka hlahai pei ning a tih. An hla sak dinghai chu General Conference hma, an hma tieng CKTP Secretary kuomah a soft copy thawn ding a nih.

VII. Mark Phur Dân:

UniformJudges Mark  %
10    

* (Hla Pâwl inruolsiekna hi Percent a en ning a ta, Pâwl pakhat cho inruolsiekna ah lo thang sienkhawm Qualifying percentage ah a phâk naw chun Buonglienkung Choral Award hi dawng thei naw nih. Qualifying range sûnga mark hmu insangtak kuomah Pu Buonglienkung Choral Award inhlan ning a tih.

Sl. no. ParticularsPercentage (%)
1.Qualifying percentage75>
2.Consolation74<

B. REV. THANGNGUR MUSIC AWARD (MALZAI INRUOLSIEKNA):

I. Ṭhang Thei Dinghai le Hriet Ding Pawimaw:

  1. Rev. Thangngur Music Award a ṭhang ding chun:
    1. Kohran dân zâwkim
    2. Khawtlâng le sawrkâr khap inruithei thaw ngailo
  2. Presbytery an thawk ṭhang thei dinghai:

Presbytery Conference an nei huna Malzai inruolsiekna (solo competition) fethlenga first prize dawngtuhai pei ṭhang an tih. Harsatna leia pakhatna dawngtu a lo ṭhang theinaw a ni chun a ai awtu ding Presbytery KṬP in ruot thei a tih.

  1. Khawpui kohran, Headquarters-a inthlunghai chu an unita Malzai inruolsiekna (solo competition) fethlenga first prize dawngtuhai ṭhang an tih. Harsatna leia pakhatna dawngtu a lo ṭhang theinaw a ni chun a ai awtu ding KṬP Committee in ruot thei a tih.
  2. Hi Award lo dawng ta hai chu ṭhang tul ta naw nih.
  3. Hi taka ṭhang ding chun an Presbytery hrietpuina lekha peklût ngei ding a nih.
  4. Rev. Thangngur MusicAward a hin nuhmei le pasal ṭhehran ni naw nih.
  5. Unit le Presbytery level a activity en ning a ta; ODC le Birthday Gift pêk le pêk naw en ni bawk a ta, ODC le Birthday Gift pe lohai chu ṭhang thei naw nihai.
  6. Mission field hai chu huomsa naw nia, Mission Field tadingin malzai inruolsiekna (Solo Competition) buotsai ning a tih.

II. Lawmman (Prize):

Gen. Conference huna Malzai inruolsiekna (solo competition) a first prize dawngtu kuomah Rev. Thangngur Music Award hi inhlân ning a tih.

a. Winner: Rs. 30000. 00 + Trophy Pakhat + Music Video pahni siem pêk + kum khat sûng thlatin honorarium in Rs. 2500/-

b. Consolation prize : Rs. 2000/-

(Award Cash prize lo pe belsa nuom an um khawma Concern Committee remtina lo chun Lawmman (Prize) hai sukdanglam thei ni naw nih)

III. Music:

  1. Live music – Live music rem puma inruolsiekna a ṭhang phal ni naw nih.
  2. Music Track ruok chu hmang phal ning a tih, Vocal backing ṭhangna ruok chu phal ni naw nih.
  3. Music track bo (acapella) khawma hla sak phal a nih.
  4. Music Track nal le nal naw, a hâng a sak le sak naw thuah mark phur le pei iengkhawm um naw nih.

IV. Inthuom Dân:

Rev. Thangngur Music Award Competition a ṭhang ding hai hrim hrim chu Kristien nun dân le inmawiin, thuomhnaw inchâwitâwk in an inthuom ding a nih.

V. Vêl (Round) Um Zât Ding le Hla Chungchâng:

  1. Round thum chen buotsai nîng a ta; round tinah hla dang an hung inbuotsai ding a nih.
  2. Modern/Contemporary hla chau ni lo, Independent Kohran hla pahni bêk an buotsai ding a nih. Own choice le Independent hla sak ding hai chu hla ziek copy khat seng CKTP Secretary kuomah inkhâwmpui tlungkim zân ah submit ding a nih.
  3. Independent Kohran hla pakhat
  4. Mani hla thlang (Own choice) pakhat
  5. Common song pakhat

VI. Endiktu:

  1. Endiktu ding chu CKTP Executive committee in ruot a tih.
  2. Endikna Criteria/Endikna Form chu Music Award Board in siem a tih.
  3. Endiktuhaiin an endikna mark sheet chu CKTP secretary kuomah inruolsiekna zo ah pelut an tih.

VII. Host:

CKTP Executive in Host tu ding ruot a ta, zâwna (question) siem nîng a ta, participants hai zâwna pêng a ta, mark khawm phur sa nghâl bawk a tih. Inruolsiektu pakhat peiah zâwna (question) 3 seng indawn nîng a tih.

VIII. Mark Phur Dân (Weightage):

VocalPronunciationPerformanceVoice clarityQuestions%
5050505015 
Sl. no. ParticularsPercentage (%)
1.Qualifying percentage75 %
2.Consolation74%

* (Inruolsiekna hi Percentage a en nîng a ta, mi pakhat cho inruolsiekna ah lo ṭhang sienkhawm qualifying percentage ah a phâk naw chun Rev. Thangngur Music Music Award hi dawng thei naw nih. Qualifying range sûnga mark hmu insangtak kuomah Rev. Thangngur Music Award inhlan ning a tih.

IX. Rev. Thangngur Music Awardee Rules & Discipline:

  1. Rev. Thangngur Music Awardee a ni sûng in (Conference to Conference) rawngbâwlna kawng tinrenga CKṬP le inhrepâw pei hlak an tih. Chun music Video lo tum (sponsor) nuom an lo um khawma inhrietpaw pei ding a nih.
  2. Awardee a ni hun sûng Kohran rawngbâwltu nungchang le inmawi lo le Kohran le Khawtlâng dân kal zawnga nun a hmang a ni chun ieng huna khawm Awardee a nina hlîp pêk thei nîng a tih.
  3. Awardee a chel/ni sûng hin a thei ang tâwkin thalai rawngbâwlna sukhrât a ni theina dingin hma la vêng a tih.

X. Choral & Music Award Criteriahai hi sukdanglam/siemṭhat ṭul a lo um chun Central Committee in Simple majority in siem ṭha thei a tih.