Hun iemani chen liem taa inthawka Delhi khawpuia kan ṭhalai chanpui haiin Hmar Students’ Association (HSA)-a inzieklût tuma hma an lo lâk tah vawisun chena HSA huong sûnga an la um thei naw zing hi mak kan ti hle.
HSA Constitution Chapter I, Article 5 (i), (ii) chun ‘inchûklai le inchûklai chau naw khawm HSA thiltum hrea dit le ṭhang nuom taphawt member dinga lâwmlût ding’ le, ‘inhnikna neia ṭhang nuom phawt chu member-a pawm ning a tih’, a ti lai zingin kan ṭhalai chanpui hai Delhi ICI kohrana an inkhâwm lei ela HSA-in a huom sa thei naw el chau ni lovin, siet ni le ṭhat ni haia tlâwmngaina thila chen khawm diriema deusawna an tuok rawp hlak hi pawi kan tiin, an thlavâng kan huol tak zet a nih.
HSA Preamble-a ‘…khawtlâng le sakhuo thuring bulpui le inhmea hnam inṭhanglienna ding ngaituo le thaw pei…’ ti a ni lai zinga HSA General Headquarters Thu Puong tarik 24/08/2025 (No. HSA/GHQ/CEC/2025/08)-in, kohran kalchâwi dân kala, Delhi-a kohran hai hi “la ṭhiek/ennawn nawk el dinga ngênna siem ni sien” tia a thurêl a suklang hi, Pathien hring Kohran chen khawm hmâi inzâna nei loa ṭhiek a rawt el hi, HSA hin a thaw ding bâk a thaw leiin thiem naw kan inchangtir hle a nih.
Hma tieng peia khawm, HSA le kohran hai hi inkal lova rawng ei bâwl tlâng pei theina dingin, HSA ṭhuoitu hai hin hi pawl inṭhuoi dân le thiltum hai hre zing a, hnâwl le thlier bîk nei lova Hmar hnam sûnga inchuklai hai hmakhuo ngâi a, HSA motto dungzuia hmangaina le indikna kengkaw a, ro rêla sin thaw pei dingin kan ditsak thu kan puong.
Upa Ramhlunsang
Vice Chairman
Ebenezar R. Sinate
Secretary
CENTRAL KRISTIEN ṬHALAI PAWL
Independent Church of India
Dated August 25, 2025
You made some decent points there. I did a search on the issue and found most people will go along with with your site.
Very well written information. It will be useful to everyone who utilizes it, including myself. Keep up the good work – for sure i will check out more posts.