Tulai khawvelin hma a sâwn pei a; ‘sâp ram’ ei ti vet khawthlang rama lem chun sakhuona thil ni si lo, Hla tienga inelna nasatak an buotsai a, Chuong thilhai chu hnawtin ṭhalai tam takhai chun Biekin inkhawm an bânsan a. Chu thil chun ei ram khawm a mi hung chim ve vat ding nia ân lang leiin, ṭhalai tamtakhai kei khâwmna ding le, hla tienga ei hmasâwnna ding beiseina leiin 2015 khan MUSIC AWARD buotsai a nih a; Sakawrdai, Mizoramah nei hmasatak a nih.

1. BUONGLIENKUNG CHORAL AWARD:

Hlapâwl tienga dingin ei hla kungpui laia pakhat, Pu Buonglienkung Music Award inbûk a nih a; chutaka lâwmman (Award) dawng hmasatak chu N. Delhi Unit an nih. Award hin a tir chun sum fai (cash prize) Rs. 5000. 00 le Trophy a sawm a. Award Cash Prize hmasatak hi Pu Buonglienkung a sunghaiin an hung tum a nih. Thil man le hlutnahai a hung danglam pei leiin a ṭul ang peiin Choral Award Cash prize hi suksang/siemṭhat pei ning a tih.

Pu Buonglienkung Choral Award (Hlapawl Inruolsiekna) lo dawng ta hai:

  1. New Delhi City Church – 2015
  2. Assam Hills Presbytery – 2016
  3. Tuiṭhaphai Presbytery – 2017
  4. Tuiṭhaphai Presbytery – 2018
  5. Guwahati City Church – 2020
  6. Jiribam Presbytery – 2022
  7. Tuiṭhaphai Presbytery – 2023

2. REV. THANGNGUR MUSIC AWARD:

Malzai (solo) tienga dingin Hmar Hla Kungpuihai laia pakhat Rev. Thangngur Music Award inbûk a nih a; chutaka lâwmman (Award) dawng hmasatak chu Miss Quilyn Lalrovel d/o (L) Evan Lalremsiem, Muolhoi, Haflong a nih. Rev. Thangngur Music Award hin Cash Prize le Trophy a sawm a. Cash Prize hmasatak hi Rs. 5000.00 a nih a, Rev. Thangngur a tupa Rev. Lalngailien Joute in a hung tum a nih. Chu chau ni loin, “hi Rev. Thangngur Music Award hi in thaw sung po chu keini sungin a cash prize chu hung tum pei kan tih” tiin Rev. Lalngailien Joute in ân tiem nghe nghe a nih. Chuonglai zingin thil man le hlutnahai a hung danglam pei leiin a ṭul ang peiin Music Award Cash prize hi suksang/siemṭhat pei ning a tih.

Rev. Thangngur Music Award (Malzai Inruolsiekna) lo dawng ta hai:

  1. Ms. Quilyn Lalrovel, Assam Hills Presbytery  – 2015
  2. Ms. Lalhmunmawi, Cachar Presbytery – 2016
  3. Ms. Lalthapui Faihriem, Assam Hills Presbytery – 2017    
  4. Mr. Obadia Ralsun, Delhi City Church – 2018
  5. Ms. Grace Ramhlukim, Tuiṭhaphai Presbytery – 2020
  6. Ms. Lalrinhlu, Hmarphei Presbytery – 2022
  7. Ms. Lily Lalparmawi, Cachar Presbytery – 2023

Music Award lawmman inpek dan Criteria chu hi taka hin en thei a nih: Music Award Criteria