Serlui Presbytery KṬP Conference vawi 2-na chu October 25 – 27, 2024 khan Vairengte Kohranah tluong taka hmang a nih.
Conference thupui, “Lalpa hmang tlâk ṭhalai” 2 Timothe 2:21 hmangin, Upa Lalramsiem, Chairman PKṬP, Pu Lalngaidam, Committee member PKṬP, Pastor Mesakthang, Vice Chairman PKṬP, Pastor Jonathan F. Tusing le Rev. Ramsiemthar, PS. hai ân’thawkin Pathien Thu ropui tak tak el ngaithlak a ni a, kan hlawkpuitlang hle.
Zirtawpni zân inkhawm hun a hin Central Choir Bus Project Fund-a dingin thawlawm dawl a ni a; inkhawm ṭinin Presbytery Choir puola Musical Nite buotsaiin, anni puola thawlawm dawl a ni bawk. Hi huna hin Presbytery Choir hai a inthawk hlapawl le mi dang dang a inthawkin solo hai ngaithlak a ni a, Rev. Ramsiemthar, PS-in ICI Serlui Presbytery KṬP Official Youtube Channel le Serlui Presbytery Choir music video hmasatak ‘Ka suol po ama’n a phur zo tah’ mi tin en thei dingin tlangzarna a nei nghal.
Inrinni zîngkar dâr 7:00 AM-in Common subject exam buotsai a ni a, chawhnungah Coference rorel nei a nih. Palai 94 rorela hin an ṭhang a, resolution 16 zet pass a nih. PKṬP Committee member Upa Vanlalruot-in hun lo taka chatuon ram a mi lo inlawisan leiin, Presbytery Standing hai inrawina hnuoiah a hmun ruok hluosiptu dingin Pastor Jonathan F. Tusing lungruol taka thlang tling a nih. Rorela ṭhanghai Vairengte Local-in ruoi an mi buotsai pek hlim taka kîl tlang a nih.
Chawimawina le Inruolsiekna lawmman dawnghai:
Inchukna tieng Cl-X an’thawka chung tieng 1st division le a chung tienga pass mi 7 hai kuomah Citation inhlan a nih (hi taka hin M.Div. pakhat a ṭhang).
Common Subject Exam:
1st : Nk. Florence Remsangpui, Saipum
2nd : Nk. Dephnie Lallawmkimi, Kolasib
3rd : Nk. Emily Lalhlupui, Saipum North
Lengkhawm:
1st : State Veng Unit
2nd : Gosen Unit
3rd : IOC Unit
Group Song:
1st : Saiphai Unit
2nd : Kolasib Unit
3rd : State veng Unit
Hlapawl:
1st : Kolasib Unit
2nd : Bairabi Unit
3rd : State veng Unit
ODC pe ṭha tak: Vairengte Unit
Mikhuol zat: A riek lut -106, Inlân – 105 vel; Total – 250 vel
Member zât: 438, Nuhmei – 148, Pasal – 290 (member pungna 91)
Unit um zat: 15
Inkhawmpui sung hin Tv. Albert L Nungate, Aizawl (CKṬP Media Ministry Team member)-in media coverage a mi hung thawpek a, lawm um kan ti hle.
Report: Ramengmawi Khawzawl, Serlui Presbytery Correspondent, CKṬP Media Ministry
You’ve written something that feels not just like knowledge, but like a quiet form of wisdom.
Excellent post. I was checking constantly this blog and I’m impressed! Extremely useful information specially the last part 🙂 I care for such info a lot. I was seeking this certain information for a very long time. Thank you and good luck.