128th ICI KTP Central Committee Sakawrdaiah

ICI KṬP Central Committee inṭhung vawi 128-na chu Sakawrdai, Mizoramah June 20, 2025 khan nei a ni a, hi ni vêk hin Executive Committee inṭhung vawi 283-na nei nghâl niin, chu taka huna thurel ṭhenkhat mi tin hriet dingin ei hung târlang:

1. CKṬP project ding Sakawrdai hmuna ram inchâwk dinga 41st General Conference-in a lo rêl chu a hmun enfel a ni a, a’n hma tienga inchâwk dinga rêl a nih. A hmun chu Zohmun/Upper Sakawrdai le Sakawrdai inkâr, Sakawrdai ICI Kohran ram a nih.

2. Birthday Gift pe ṭha tak lâwmman pêk dân ding (criteria) siem fel a nih.

3. 42nd KṬP General Conference chu February 26 – March 1, 2026 sûng “Pathien Thu Nunpui” ti thupuia hmangin, Sakawrdaia nei dinga rêl a nih.

4. 42^nd General Conference thupui “Pathien Thu Nunpui” besanin General Conference Theme Song hla phuok inel huoihawt dinga rêl a nih.

5. ICI Delhi KṬP-a Hmar nau inchûklai hai, ICI kohrana an inkhâwm leia HSA-a an inziek lût thei naw thu hriltlâng a ni a, Executive Committee-in a ṭûl anga hma hung la a, hung bawzui dinga rêl a nih.

6. KṬP Week 2026 thupui dingin ‘Isu Krista Sandamna’ rêl a nih. Hi thupui hi KṬP thiltum hai laia point 2-na “Member po poin Isu Krista sandamna an chang seng theina dinga hmalâk” le inzûla rêl a nih.

Hieng bâka hin KṬP Handbook suklien (enlarged) dinga draft entlâng a ni a, 2027-a KṬP Common Subject ‘Vanglai Meiser 2027’ – Issues facing Christian Youth today outline entlâng a ni a. YCO rawngbâwlna, project background study, Central Choir Bus project hmalâkna le Finance report hai ngaithlâk a ni bawk.

Zân hunah 42^nd General Conference organising committee le sub-committee siema um ta hai leh inhmutlângna nei a ni a, thurâwn ṭha tak tak inpêktuo a nih.

128th Central Committee intlungtu Hmarphei Presbytery KṬP le Sakawrdai KṬP hai chungah CKṬP a lâwm tak zet.