50th Hmarphei Presbytery KTP Conference Report

Hmarphei Presbytery Kristien Țhalai Pawl chun Tarik 16th-18th January, 2026 hun sung khan N. Ținghmun khuoa Inkhawmpui vawi 50-na “Pathien kuoma ropuina inhlan le chawimaina pek” thupuia hmangin tluong takin an lo hmang zo tah.

Tarik 16th January, 2026(Zirtawpni)
Mikhuol tlungkim ni a ni a, zanah Unit tina inthawkin report ngaithlak a nih. Unit 11 haiin report an pek a, Unit 2 ruok chu harsatna leiin an hung thang thei nawh.

Tarik 17th January, 2026(Inrinni)
Chawhma inkhawm chu Hlapawl le Lengkhawm hlaa inruolsiekna hunah hmang a ni a, sûn dar 12:00 ah inkhawmpui rorêl neiin palai mi 94 ințhung khawma Resolution 16 pass a nih. Rorêl huna hin Pastor transfer & posting lei a Chairman le Treasurer post ruok chu suksip niin Chairman dingin Pastor James L. Darngawn le Treasurer dingin Pu James Buonchunghnung thlang an nih.

Zan hunah Worship Service neiin Pro. Pastor Lallianzuala-in Pathien thucha hrilna a nei. Hi huna hin KȚP 42nd General Conference puolin Campaign nei a ni bawk a nih. Inkhawm tin charin Malzai inruolsiekna first round hun nei a nih.

Tarik 18th January, 2026(Pathienni)
Chawhma inkhawm nei a ni a, Pathien thucha Pastor James L. Darngawn a inthawkin ngaithlak a ni bawk. Hi hun a hin PFF Campaign nei a ni a, Citation hai semsuokna hun nei a ni sa bawk a nih.

Chawhnung Dar 1:00 pm ah Malzai inruolsiekna 2nd round nei nawk a ni a, inruolsiekna a hin Unit aiaw mi 8 an in el.

Zan hunah Worship Service nei nawkin Rev. Joseph L. Khawbung a inthawkin Pathien thucha ngaithlak a nih. Secretary report, lawmman semna le inchûkna a hlawtlingna chang hai kuomah lawmpuina thuziek pek a nih. Lawmthu hrilna Upa Lalrobul, Acting Chairman-in a nei a, Rev. Joseph L. Khawbung in Benediction hrilin hun suktawp a nih.

Inkhawmpui programme pangngai el khelah fellowship programme hlimum tak el hmang nawkin inkhawmpui țumțîek a nih.