The 25th Youth Conference-cum-Silver Jubilee, NTK Mission Field chu liem tah târik 23-25 October, 2026 sûng khan Sub-Hqrs., Zarolian ah nei a nih.
Inkhâwmpuia mikhuol a rieklût po hi mi 227 an nih a, inlâna a hung ṭhang hai leh mikhuol po po hi mi 270-300 inkâr an nih. Unit 25 a’nthawk Palai 93 fekhâwmin, Ro 12 lâi rêl a nih.
The 25th Youth Conference-cum-Silver Jubilee hmangpui dingin Upa VL Renga Hriler, Chairman, CKṬP fiel ani a, inpâkna hla sak a rawngbâwl dingin Nk. Ramtharmawi fiel ani bawk.
Inkhâwmpui sûng hin Pastor Edward Lr. Biete, Rev. Lalrokhawm Buhril (Retd.), Upa VL Renga Hriler (Chairman, CKṬP), le Rev. L Noel Joute (F/S, NTK) hai a’nthawk Pathienthu ngaithlâk ani a; unit ṭhenkhat a’nthawk hlapâwl le, Nk. Ramtharmawi, Evan. Werolyn Lalṭhapui Faihriem (Rev. Thangngur Awardee, 2017), le Field Choir hai a’nthawk inpâkna hla mawitak tak ngaithlâk ani bawk.
Hienghai bâka hin Inrin zân le Pathienni zân ah Singing Fellowship le Pathienni chawhnung Gospel Entertainment hlimumtaka nei ani bawk. Chun, Pathienni zântieng hin Jubilee ruoi hnieng-inhnâr taka ṭhe ani bawk.
Pathienni chawhma inkhâwm ah KṬP ṭhuoitu hmasahai le term 3 chen ṭhuoitu lo ni ta hai kuoma Chawimawina inhlân ani a, Pathienni zân hin inchûkna tieng, Cl-X a’nthawk a chungtieng, hlawtlingna chang (1st Div. a’nthawk a chungtieng), mi 15 hai kuoma chawimawina, Citation inhlân anni bawk.
Kum 2027-2029 sûnga KṬP Ṭhuoitu ding inthlangna nei a nih a, a hnuoia hai hi thlang an nih:
Chairman: Evan. Lalsandam Hrangate
V. Chairman: Pastor Lalziding
Secretary: Pu Lalremruot Chorei
Asst. Secy.: Mr. Draujoy Tripura
Fin. Secy.: Evan. Sam Philemon
Treasurer: Pastor Edward Lr. Biete
ODC & B.Day Gift Fin.: Evan. Lalhminglien Joute
Committee Members:
Evan. Phirlethang
Evan. Kartik Tanti
Mr. Rajiblal Chorei
Mr. Samuel Chorei
Mr. Levi Halam
The 26th KṬP Conference hi Jagathpara ah nei nîng a tih.
Report:
Kalvari Tlanghmingthang
Media Correspondent
NTK M/F











