Holy Bible zieksuok tlângzârna le KTP Day ursûn taka hmang

New Delhi: Thlavul 16-2025
Delhi ICI City Church chun KṬP Day ursûn takin an hmang. Zingkar Dâr 8:00 AM in Ṭhalai memberhai fekhawmin, Flag Hoisting KṬP Chairman in a nei.

Zantieng Dâr 3:00 PM in Biekin inkhâwm nei a nih a. Music Departmenthai in hnesaw takin hla an ṭhuoi a. KṬP Anthem sakna nei a nih. Tv. Ramnunmawia Ṭhiek-in inkhawm a keiṭhuoi a, Nk. Grace Chiru in Bible tiemin ṭanna hun a hmang. Local Assistant Secretary-in Kohran laia hriet ding pawimaw puongna a nei. Rev Hrangtinai Superintendent BSSC-in Kohranhai ta dinga ṭawngṭaina pêkna a nei a. Inpâkna hla Pi Grace Ramhlukim le KṬP a inthawk ngaithlâk a nih.

Hun iemanichen a inthawka lo buoipui tah, Bible zieksuok zo a um chu Pu Ramhmangai Khawbung CKṬP Executive Member in a nuom taphawthai tiem thei le hmu thei dingin tlângzâr na a nei bawk. KṬP Library Uncle Koh Hall ah sie a nih. KṬP Day Fund dâwlna nei a nih a. Pu Robert Khawbungin inhlânna neiin, Jeff L Sungte KṬP Chairman-in Pathien thuhrilna le KṬP Day hung suok dânhai hrilna a nei bawk.

Upa S Ginkhochinthang-in Fâk le dâwn inhlân ṭawngṭaina a nei bakah, Benediction in hun a khâr. Inkhâwm ṭinin Rev. James Lalrobul-in, a In thar Pathien kuoma lâwmthu hrilnain, Ṭâmhnêm ṭhahnem tâwk tak tumin, fa le dâwnin ditkawplo takin hun hmang a nih.

S William
Media Correspondent
Delhi ICI City Church KṬP