December 6, 2024 zâna Vulmawi Award 2024, Saikuti Hall, Lunglei, Mizorama semnaa chun ICI Central Choir-in Best Choir Award an dawng.
Tu kuma Vulmawi Award Best Choir dawng thei dinga nominee danghai chu Mizoram Synod Choir, Synod Mission Choir, BSI Choir, Lunglei South Branch le The Leprosy Mission Choir hai an nih.
Hi award semnaa hin ICI Central Choir member paruk, Choir Chairman, Secretary le Conductor hai tiem sain, an ṭhang thei.
Mizoram an inzin sûng hin Choir hla inchûknaa an pawimaw êm em, hun sâwt tak an lo buoipui tâk, Digital Piano ṭha tâwk tak el (Casio Digital Piano AP470) chu Music Home, Chanmari, Aizawl a’nthawk an inchâwk malam nghâl a nih.
ICI Central Choir ei lâwmpui tak zet a; Lalpa’n an rawngbâwlna sukhlâwk zuolin, mal sâwm pei raw se!
