Hmun tina um Ṭhalâi pâwlhai ei Lalpa Isu Krista hmingin chibai ka hung bûk cheu.
Khawvêl ei chengna hi ṭawngsephur ram a lo ni tâk lei hin, nitin hin buoina hi inkieng nêkin zuol tieng a pan pei chu a ni a; nisienlakhawm eini ringtuhai ta dingin chu chu ei ta dinga Niropuitak chu a hnâi ta hle ti mi hrilhretu an ni lem hlau hi ringtuhai ei vângneizie hi a tharin a’n lang pei chu a nih.
Ei Lalpa Isu a hung hmâkhat chu buoina kâra khawm rawngbâwlna thaw pei lo thei lo ei ni a; ei thaw pei rêng a, lawm a um tak zet a nih.
Chun hi October thla ei chuongkâi ding mêk a ni ta a, Presbytery, Missiond Field, City Church-a hai inkhâwmpui ei nei nawk tâwl ding a’n ta a, inkhawpui nei dinghai po po Pathienin umpui seng sien cheu ti hi ka ṭawngṭaina a nih.
Inkhâwmpui nei dinghai khawm inṭawngṭâipuiintuo inla, “Krista ta dinga Ṭhalai” ti ei thupui a ni ang taka Isu Krista hmêl, Isu Krista nungchang, ei nia a’n lang suok theina ding khawpa ṭhalâihaiin malsawmna ei dawngna huna ei inkhâwmpuihai a ni thei ngêina dingin inṭawngṭaipuituo seng ei tiu.
October thla sûnga inkhawmpui nei dinghai chu hieng a hnuoia hai hi an nih.
1. 4-6: Aizawl Presbytery at Zemabâwk
2. 11-13: NTK Mission Field at Sorojini
3. 17-19: Hmarphei Presbytery at Sakawrdai
4. 25-27: Assam Mission Field at Chirilangso
5. 25-27: Hmarbiel North Presbytery at Sinlung
6. 25-27: Cachar Presbytery at Hmarkhawlien Sub-Hqrs.
7. 25-27: Serlui Presbytery at Vairengte
8. 25-27: Vangâi Presbytery at Sartuinek
9. 25-27: Tuiṭhaphâi Presbytery at Saidan
10. 25-27: Guwahati City Church
11. 25-27: Tuivai Presbytery at Khawlian
October thla khel tienga inkhâwmpui dinghai chu hun dangah ei hung suklang lem ding a nih.
Pathien Thlarau Thienghlim ṭhuoina dawnga inkhâwmpui inhawitaka hmang seng dingin ditsakna ei inhlan nawn nâwk a nih.
In rawngbâwlpui,
Rev. Evan John, YCO
