March 18, 2026 zîng dâr 10:30 AM khan ICI Secretariat Devotion hunah YCO thar Rev. Richard Rosiemlien-in YCO hlui Rev. Evan John a kut a’nthawk YCO mawphurna a lo lâk tah. Charge inhlanna hi Executive Secretary le Secretary, Ministries hai hrepuitua ṭhangin, ICI Secretariat staff, Tuiṭhaphai Presbytery Office staff le RWUS staff haiin an uop.
YCO hlui le thar hai hi KṬP Executive Committee member Tuiṭhaphai biela um po haiin inpâwlpuina sûn dâr 1:30 PM-in an nei bawk a; inthlâna thu le lawmlûtna thu hai hrilin, hun hlimumtaka hmang a nih.
YCO hlui Rev. Evan John hi Executive Council Sitting No. 175, Resolution No. 15 chun Jubilee Memorial Bible College, Chennai, Tamil Nadu-a M.Div inchûk dinga a rêl a ni a. Inchûk dinga a fe hma po hin Ministries Department hnuoiah rawngbawlna la nei sunzawm a tih.
YCO thar Rev. Richard Rosiemlien hai sûngkuo hi ICI Secretariat-in a rêl angin Khawmawi Pastor’s Quarters-ah an lo insawn lût tah.
