The 63rd Cachar Presbytery KṬP Conference chu October 24-26, 2025 sûng Muoldam khuoa nei a nih.
Thupui: ‘Krista Ta Dinga Ṭhalai‘
Tlungkim zân hun hmasataka KṬP Hlapui “Lal iengkim thawthei” sakin Pastor H.K Bena-in Conference hawngna a nei a, Upa Lalramlien Ralsun, Presbytery KṬP Vice-Chairman in Inkhâwmpui vawi 63-na hmang dinga hunghai Pathien Thlarau Malsâwmna tamtak dawng dingin lâwmlûtna neiin Unit tin Secretary-a inthawk Unit Report ngaithlâkna nei a nih.
Tv. Simeon Lalnghaklien, Evan. P. L Thanga le Rev. Lalsuokhup, PS hai a inthawk ‘Krista Ta Dinga Ṭhalai’ ti thupui hmangin Pathien thu ṭha taktak ngaithlâk a nih.
Inkhâwm zâtin Cachar Presbytery Choir, Nk. Lalhmunmawi le Nk. Lily Lalparmawi, Rev. Thangngur Music Awardee hai a inthawk inpâkna hla hring taktak el ngaithlâk a nih.
Inrinni Dâr – 10:00 A.M – 4:00 P.M sûng Palai 103 Unit 16-a inthawk fêkhâwmin 63rd KṬP Conference Rorêlna neiin Resolution 18 lâk a nih.
Resolution ṭhenkhat :
* Conference Inruolsiekna Lâwmman sukpung a nih.
* Reserved Fund – Intodel Fund Bank Saving-a um po lâkdawka Ram inchâwk.
Inkhâwmpui sûng mipui hlasakna hi Keyboard -3 le Guitar-1 hmangin Live Music Musician ha’n remin, mipuiin Pathien inpâkna hlimtaka nei hlak a nih.
October 25, Zân le October 26 Sûn Worship Service zova Thu le Hla Inruolsiekna hun hmangin – Hlapawl, Lêngkhâwm (IKH No. 26-30), Group Song le Bible Thu hai inruolsiekna nei a nih.
2025 Inruolsiekna Lâwmman Dawngtu Unit hai
HLAPÂWL
1st – Muoldam Unit
2nd – Sub-Hqtrs Unit
3rd – Hmarkhawlien Unit
BIBLE THU
1st – Hmarkhawlien Unit
2nd – Neithangvêng Unit
3rd – Muoldam Unit
GROUP SONG
1st – Hmarkhawlien Unit
2nd – Sub-Hqtrs. HKL Unit
3rd – Sonbari Unit
Independent Hla Lêngkhâwm
1st – Dolakhal Unit
2nd – Sonbari Unit
3rd – Sub-Hqtrs. HKL Unit
Overall Activities – Neithangvêng Unit
STATISTICS REPORT
* Ṭhalai umna In umzât – 456
* Member umzât
Nuhmei – 251, Pasal – 467, Total – 718
* Conference kârlaka mithi umzât – 07
* Secular tienga inchûklai umzât –
Nuhmei – 71; Pasal – 87 Total – 158
* Ṭhalai laia sin nei (Govt. – 38, Company – 44, Private – 47, NGO – 12, Others – 39 Total – 180
CERTIFICATE INHLÂN
Bible Tiemsuok – 29
Secular tieng :
HSLC – 10
HSSLC -10
DEGREE – 3
Other Profession – 2 Theology – 1
Hlawtlingna changhai le Govt. Sin hmuthar – 2
Chawimawina le Lâwmpuina Thuziek mi 57 hai inhlân an nih.
October 26, 2025 Pathienni Zân Worship Service ṭin ah Hlahruoi le 2025 Conference Thu le Hla-a inruolsiekna Lâwmman semna umin, Solo, Duet, Trio thiem taktak ngaithlâk a ni a, Pastor Solomon Tuolor-in thiemtaka Hindi Gospel Song sakin Ṭhalai lai boruok a siem hleh. Conference Chairman & Secretary-in Ṭhalai Activities hai hrat nâwk zuola fepui a ṭulnahai hrilin, hun ditum taka hmang a nih.
Inkhâwmpui sûng Mikhuol rieklût po hi Reception i/c record dungzuiin mi 303 niin, inlân po hi mi 80 lai an nih. Hi Inkhâwmpui mi hung uoptu Nuhmei Pawl, Cachar Presbytery, Silchar HCF Ṭhalaihai le mi dang dang an um nuol.
October 26, 2025 (Pathienni Zân) KṬP hlapui “Lal iengkim thawthi” Sakin kum 2026 64th KṬP Presbytery Conference, Kumba ah inhmu nâwk ngei dingin dit khawp lo takin CONFERENCE khâr a nih.
Report: Mr. Lalmalsawm Ṭhiek
Cachar Presbytery Correspondent, CKṬP Media Ministry
