A hmun: Sesawng
A hun: 24 – 26 October, 2025
Zirtawpni tlungkim ni a ni angin Unit tin hai inhnuk inlau in a khuo hnaivai sienkhawm inhma tak2 a tlungkhawm a ni a. Unit panga hieng Dapsuo, Aizawl, RSC Vengthlang, Zemabawk Unit hai a hun taka tlung a ni a. Tlungkim zan hin Conference hawngna Rev. Joseph Malsawmzuol PS in neiin lawmlutna Pu Rosangzuol KTP Aizawl Presbytery Chairman in a nei a. Aizawl Presbytery Chairman Upa R. Vanlalawi in inkhawmpui thupui “I hringna ding in tlansuok rawh” Genesis 19:17 na thu hmang in a hril hawng a. Hla hring tak tak a inpakna hla inhawi taka sak a nih. Inkhawm tin in Common Subject in examna nei a ni bawk.
Inrinni tuk ah hieng Hlapawl, Group Song le Lengkhawma inruolsiekna nei a ni a. Hlapawl hi unit 4 in an inela, Group Song Unit 3 le Lengkhawm Unit 4 in inelna an nei a nih.
Inrinni chawhnung dar 1 ah Palai Rorelna nei a ni a. Palai 61 ah mi 58 in rorel a nih. Fekhawm kan tha hle. Ro 17 zet tluong taka rel a ni a, rorel zovin a tlungtu Sesawng Unit haiin fak le dawn Palai tadinga an siem chu inhnik ti tak le lawmtaka fak tlang a nih.
Zan inkhawmna ah Pro Pastor Rohluosang anthawk Inkhawmpui thupui hmanga thu ngaithlak a ni a. Inkhawm tin in Thangngur Awardee a thang ding in zawngna mi pahni anthawka nei a ni a ni bawk.
Inkhawm tin charin Presbytery Musical Board hmalakna hnuoiah Tonic Solfa Junior exam mi panga anthawka nei a ni a. An reng hin an hlawtling seng a nih.
Pathienni tuk Rev. Joseph Malsawmzuol, PS anthawk thu hring tak el ngaithlak nawk a ni a. Inkhawm kan thahnem hle. Chawhma inkhawm tin in hlaruoi hmanga Pathien inpaka chawimawina hun a hmang a ni bawk.
Pathienni zan Bieltu Pastor H. Lalhmunsiam anthawk Pathien thu ngaithlak a ni a. Lawmthu hrilna le Report le lawmman semna Pu C. Lalremsang, Secretary anthawka ngaithlak a ni a. Kum 2024-25 sunga inchukna tienga hlawtlingna chang pakhatna le a chungtieng hai citation inhlana hun hmang sa nghal a ni bawk. Lawmman lak dan chu hieng ang hi a nih.
Hlapawl
1st Prize: Aizawl Unit
2nd Prize: Zemabawk Unit
Lengkhawm
1st Prize: Aizawl Unit
2nd Prize: Sesawng Unit
Group Song
1st Prize: Zemabawk Unit
2nd Prize: Aizawl Unit
Common Subject
1st Prize: Tv. Laltanthang, Zemabawk Unit
2nd Prize: Tv. Lalfakzuala, Sesawng Unit
Tonic Solfa Junior Certificate la – Mi panga an um bawk.
Rev. Thangur Award inchu dinga thlang suok – Nk. Judy Lalnunsiami
Lawmman sem ruol hin Unit tin hai an sawka hla thuoina nei a ni a. Hlapawl an inbuotsai seng bawka, chun Aizawl Presbytery Choir anthawka hla ngainuom um tak2 el ngaithlak a ni bawk.
Aizawl Presbytery chu Dapsuo ti lo chu a khuo an hnaivai tawl leiin mikhuol hi Pathienni chen khawma fe khawm a ni a. Mi 150-200 bawr vel ni dinga ngai a nih.
Kum nawk 2026, 31st Presbytery Conference chu Zemabawk Unit a inhmu nawk seng ding in Bieltu Pastor, Central Committee Member ni bawk Pastor H. Lalhmunsiama in malsawmna leh inkhawmpui a khar a nih.
Photo Credit: Tv. Albert L. Nungate, Media Team
Report:
Fimthangvung
Media Correspondent
Aizawl Presbytery
Hello there! This is kind of off topic but I need some help from an established blog. Is it very difficult to set up your own blog? I’m not very techincal but I can figure things out pretty quick. I’m thinking about making my own but I’m not sure where to start. Do you have any ideas or suggestions? Thanks
As I website owner I believe the content here is really superb, regards for your efforts.
I love it when people come together and share opinions, great blog, keep it up.
Hi, Neat post. There is a problem with your web site in internet explorer, would test this… IE still is the market leader and a huge portion of people will miss your great writing due to this problem.