KṬP WEEK CHIBAI! Pathien zarin kum 2026 KṬP week hmang nawk thei dinga ei um hi lawm a um hle.
Ei thiltum ‘Member po poin Isu Krista sandamna an chang seng theina dinga hmalâk’ ti a ni angin tukum hin ‘Isu Krista Sandamna’ ti thupuia KṬP week ei hmang ding hi inhawi le hlawk taka hmang seng dingin ka ditsak cheu. Sandamtu Krista Chanchin Ṭha êng hi mihaiin an hmu thei nawna dinga mihriemhai mit sukdel chu khawvel pathienhai thiltum lien tak a nih. Chun, ei Chanchin Ṭha hril hi a chieng naw khawmin bohmang mêkhai ta ding chaua chieng naw ning a tih. Inphalam lo takin khek suok pui ei tiu. “I piengthar ding a nih” ti hi mak ti naw rawh, vân fena lampui um sun a nih.
KṬP week le inzawma rawngbawlna thil dang dang ei thawna hai a khawm malsawmna ei dawng seng ka nuom puiin ka ditsak cheu a. KṬP week puola chibai bûkna insâng tak ka’n hlân cheu. KṬP week hlimum tak ni mawl raw se.
Rev. Richard Rosiemlien
Youth Coordinator, ICI
