June 4-7, 2026 sung khan Aizawl Presbytery Kristien Thalai Pawl chun “Sandamna” ti thupui hmangin Art & Culture Building, Berawtlang, Zemabawk ah Sandamna camp a huoihawt. Aizawl Presbytery sunga thalai pawl baka a nuom ta phawt lut thei dinga ruohman a nih.
Unit tin anthawka Camp lut zat report chu hieng ang hi a nih.
Sesawng Unit-11
Zemabawk Unit-42
RSC Vengthlang Unit-9
Aizawl Unit-14
Dapchhuah Unit-8
Belkhawm- 84
(Pasal- 48, Nuhmei- 37)
Camp speaker team le enkawltu hai:
Speaker: Rev. Joseph Malsawmzuol, PS
Camp Director: Pastor H. Lalhmunsiama
Camp Secretary: Pro Pastor Rohluosang
Counsellors: Upa R. Vanlalawi le Pu Rochuthang
Camp Controllor: Upa Lalremlien, Upa Lalbieklien, Pu Lalremvel, Pu L Parlien
Medical Incharge: Nk. Zaithangpui le Nk. Lalinrem
Volunteer: APKȚP țhuoitu hai.
Campers ding hai chu Ni 4 zan Ninganizan Dar 6 a in report kim vawng dinga ruohman a ni a. Zan Dar 7 ah inhmelhrietna le camp fe dan ding inhrilhrietna Speaker in a nei nghal bawk a nih.
Campers hai hi ngirhmun in angnaw seng annia, Sandamna la changlo mi 44 bawr vel ding annia, a dang 40 bawr vel chu Siemtharna ngaia hung lut an nih.
Țhalai ruol hi camp sung hung lut hai hi a tamlem chu Kum 15-25 inkar sunga mi deu vawng an nih.
Pathienin Speaker le counsellors’ hai nasatakin a hmanga, Sandamna la changlo haiin Sandamna changin, Sandamna changta haiin siemtharna chang bawkin a lut po po haiin Pathien malsawmna an chang seng a nih.
Mimal, Unit, Pawl mi inphal tak tak hai anthawkin thilpek chi hrang hrang, camp a dinga mamaw hai dawng a ni a. Chun tlawmngai a fak le dawn siem tu dingin Unit hran hran anthawk Nuhmei Pawl hai ruota umhaiin an chanvo an tlak thei seng anih.
Camp nei sung hin zing le zanin bu fa hi mi 100+ an ni hlak anih.
Pathien malsawmna zarin hi camp sunga hin Thlarau tieng cho nilovin taksa ruoi tieng khawm fak le dawn a țha em em anih. Camp țumțiek zantieng hin Zemabawk Pavalai haiin Campers hai hme ding bawnglu le a sa ngei lain, anni ngeiin suongin ruoi inhnik tak an kilpui anih.
Camp țumțiek zan, Pathienni zan hi a nawlpuia inkhawmna hun Zemabawk ICI Kohran Biek In a hmang a nia, Campers hai anthawk hla țha tak tak ngaithlak niin, Speaker anthawkin Pathienthu țhatak el ngaithlak a ni bawk. Hi Inkhawm tina hin campers hai ta dingin Camp Director in țawngțaipekna hmangin camp tumțiek alo ni tah.
Report Petu
Fimthangvung
Aizawl Presbytery
