Rev. Richard Rosiemlien, Youth Co-Ordinator chun April 20-26, 2026 sungin Aizawl Presbytery-a unit hran hran hai kanna a nei.
April 20-21, 2026: April 20 in Sesawng a tlung a. Thalai member hai leh Pastor Quarters-a inpâwltlângna nei a ni a. CKṬP hmalak dan le Unit rawngbawlna ngaithlak a ni bawk. 21 April 2026 Thawleni zan Thuhril rawngbawlna a nei a. Inkhawm ṭinin inpawltlangna nei nawk niin KṬP General Conference 2028 inbuotsai dan le hmalak dan han hriltlang a nih.
April 22, 2026: Dapchhuah Unit tieng fein Presbytery OB ṭhenkhat haiin an ṭawiawm a. Unit OB haiin bufaktlangna an lo neipui a. Zan inkhawm chu Kohran pumin hun hmangtlang a ni a. Inkhawm ṭinin Unit hmalak hai le rawngbawlna hai hriltlangin inpawltlangna nei a nih.
April 23-24, 2026: Ramhlun Sports Complex Vengthlang Unit ah hun hmangna a nei a. Unit committee hai le inpawltlangna neiin YCO-in a hmalak tum dan tlangpui hieng Bible Study le Skill Development chungchang hrilna a nei a. Unit hmasawn dan ding a bik takin Solfa tieng insukhmasawn dan ding hril langna nei a ni bawk.
April 25, 2026: Aizawl Unit ṭhuoitu haiin thlaithleng awtpuina neiin hi zan hin hun a hmang a. Inkhawm ṭinin Naupang Hall ah Unit member hai leh inpawltlangna nei zui nghal a ni bawk a. Unit anthawkin Activities Report nei a ni a. YCO anthawk khawma infuina le hmalak pei dan ding hriltlangna nei a ni bawk.
April 26, 2026: Zemabawk Unit ah hun hmangna nei a ni a. Pathienni chawhma inkhawmna hunah Pathien Thucha hrilna le hlaa rawngbawlna neiin chawhma inkhawm ṭinin Unit member hai le YCO inpawltlangna nei sunzawm nghal a ni a. Unit anthawk KṬP Activities Report-na hai neiin, YCO a’nthawk thu bengvar thlak tak tak le hmalak pei dan ding hai hriltlangna nei a ni a. KṬP Committee member hai le thlaithleng awt tlângna neiin hun hmang a ni a, zân inkhawmnaah Pathien Thucha hrilna leh KṬP le Pavalai pawl a’nthawk hlaa rawngbawlna neiin hun hlawktlak taka hmang a nih.
Report Petu:
Fimthangvung
Aizawl Presbytery
