63rd Hmarbiel North Presbytery KTP Conference Report

Kristien Ṭhalai Pâwl Hmarbiel North Presbytery chun tarik 10 – 12 Oct. 2025 sûng khan ‘Kohran Kut le Ke ni dinga inbuotsai’ ti thupuia hmangin, Annual Conference vawi 63-na chu Talan khuo-ah ropui takin an hmang. Hi hun a hin Unit 1- a inthawk mikhuol Recieption-a in-report po mi 211 niin, in-report lo hi iemanizât an um bawk nia hriet a nih.

Report Form dungzuiin, Hmarbiel North Presbytery sûng a hin Ṭhalai member 406 an um a, Pasal 243 le Nuhmei 163 niin, hienghai lai hin khuol ram (puotieng)-a um po 204 le khawsûnga um po hi 202 an nih.

Worship Service hun a hin Pastor Lalsanglawm, Pro-Pastor Japheth Lalzarlien, Upa Lalruotṭhieng, Pastor Lalronghak Songate le Rev. Lalneikhum haia inthawk Pathien Thu ṭha tak tak hril le ngaithlak a ni a, inkhâwm zât hin Presbytery Choir hai a inthawk hlapawl ngaithlak a nih. Chun Unit ṭhenkhat hai a inthawk hlapâwl le malzâi ngaithlak a ni bawk a nih.

Conference hun a hin Hlapawl, Group Song, Lêngkhâwm Hla, Thu le Malzai haia inruolsiekna nei a ni a. Hi taka lawmman latu hai:

Hlapawl:
1^st Parbung North Unit
2^nd Pherzawl Unit
3^rd Parbung South Unit

Group Song:
1^st Sinlung Unit
2^nd Serhmun Unit
3^rd Talan Unit

Lengkhawm Hla:
1^st Pherzawl Unit
2^nd Talan Unit
3^rd Parbung North

Thu (Bible Châng):
1^st Talan Unit
2^nd Tuolbung Unit
3^rd Serhmun Unit

Solo:
1^st Tv. Lalṭhuoisuok, Serhmun

Common Subject Exam:
1^st Roslyn Mihriemate, Talan
1^st Lalnunmawi, Talan
2^nd Anthony R Infimate, Pherzawl
3^rd Darkamthang, Pherzawl

Over All Activity/Best Activity: Pherzawl Unit

Tarik 11, Oct., 2025, Inrinni sûn hin Conference Rorêlna nei niin, Palai 91 fekhâwmin Resolution 14 lai passed a nih. Pathienni Sûn hunah Rev. Lalneikhum, PS, ṭhuoina hnuoiah Bible Study nei a ni bawk. Pathienni zân Worship Service zo hnungin Hla Ruoi ropui takin nei a ni a, member haiin dit khawp lo tak le thlakhla takin, KṬP Conference vawi 63-na chu a lo ṭumṭiek tah. Kum thar 2026 KṬP Conference Vawi 64-na chu Damdiei khuoah innghat a tih.

Video: