Jinam Valley Presbytery KTP Unit Kanna

Jinam Valley Presbytery KṬP Ṭhuoituhaiin an biel sûnga unit tin kan dinga an lo rêl le an lo bawzui mêk, August 28, 2024-a lo châwl san ta chuh September 26, 2024 khan sunzawm nâwkin, Ramvom unit kanna an nei a, September 27 khan Muollien Sub-Hqrs. unit kanin, unit kanna chu an lo zo fel ta a nih.

Hi unit kannaahai hin Presbytery KṬP ṭhuoituhaiin chanvo insemin, unit ṭhuoituhai leh inhmelhrietna hai an nei a, inpâkna hla mawi tak tak unit le PKṬP tieng a’nthawk ngaithlak hlak a nih. Laptop le Printer an pawimaw zie hrilin, a man ding zawngna challenge nei hlak a ni bawk.

A tâwp tak zân Muollien Sub-Hqrs.-a inkhâwmna nei a ni huna hin Pu Thokam Khawbung, Finance Secretary chu inkhawm ṭhuoitu niin, Upa H.L Nghaka, Local Chairman-in lawmlûtna a nei a. Nk. Rebecca le Np. Lalhlimpui hai a’nthawk inpâkna hla hring tak tak ngaithlak a ni a, Pu Kelop Ramdinthar, PKṬP Secretary a’nthawk ‘Krista Sipai Ṭha’ ti thupui hmangin Pathien thu ngainuom umtak ngâithlâk a nih. Inkhâwm ṭina Unit hai le thingpui dâwntlângin, inngai tak pumin an lo inṭhe ta a nih.

Inputs: Thokam Khawbung, Media Ministry Correspondent, Jinam Valley