47th Meghalaya East Presbytery KTP & NSSU Annual Conference Report

Meghalaya East Presbytery KṬP le NSSU Conference vawi 47-na chu January 15 – 19, 2025 sûng khan ‘Ni sintum len roh (2 Tim. 4:5)’ thupuia hmangin Mualsei ICI Biekina hmang a nih. Inkhâwmpui huna hin insukhlimnain Sports ni khat nei a ni a, rorêlna (Conference Session) ni 2 nei a ni bawk.

Nupang Pâwlah department tin thu inruolsiekna le thu pâwlpui inruolsiekna bâkah hla pâwl le malzai inruolsiena hai nei a nih. KṬP puolin hla pâwlpui, thu pâwlpui, malzai le KṬP common subject besanin Quiz competition nei a ni ve thung. Inchûkna tienga hlawtlingna chang hieng Class – X le chung tienga 1^st Division-a pass hai kuomah lawmpuina certificate pêk a ni bawk.

Inkhâwmpui sûng hin Seminar huoihawt a ni a, ‘Tulai khawvel le vanglai nun’ ti thupuia hmangin, resource person Tv. Japheth Lalzarlien le Tv. Michael Hrangchal hai a’nthawk thu ṭha tak tak ngaithlak a nih.

Rev. L. Ramropui Thiek, PS, Pastor Lalbanlien, Pro. Pastor Lalhminglien, Upa Singa Darnei le Tv. Japheth Lalzarlien hai a’nthawk inkhâwmpui sûng hin Pathien thu ngaithlak a ni a, mipui fekhawm haiin malsawmna tam tak an dawng.

Report: B. Nehemiah Darnei
CKTP Media Ministry Correspondent