February 7-10, 2025 inkar sûng khan NANG ARNAM PEN KACHETONGJILE CHESIKNON (I Pathien tuok dingin insiem zo rawh. Amos 4:12) ti thupui hmangin Assam Mission Field 37th Competition Conference chu Chirilangso khuo ah hmang a nih. Hi inkhawmpuia hin Department dang dang: Naupang, Ṭhalai, Nupui hai anthawk inelna chi tum tum, thu le hla baka lâm le malzai inelna hai nei a nih.
Inkhawmpui hun sung hin Evan. Emmanuel Lalzarlien, Evan. Barsing Millik, Pi Julie Ronghangpi, Rev. Lalramnghet Thiek le Elder Samuel Hanse hai anthawk Pathien thu ropui tak tak hai ngaithlak a ni a. Inkhawm zâtin Praise & Worship Team haiin hnesaw takin hla hai an thuoi a. Malzai ngai ding a um zing a, unit dang dang anthawk baka Assam Mission Field (AMF) Choir anthawk inpakna hla zân tin ngaithlak a ni bawk.
Chun, inkhawmpui huna hin inchukna (Secular le Theology) tienga thaw tha zuolhai mi sawm le pariet (18) hai kuoma chawimawina certificate inhlan a ni a. Chu el khela, Assam Mission Field-a Kohran upa, kum 25 le a chung tieng rawngbawlna sin lo thaw tah, Elder S. Chinthong khawm lawmpuina memento le an nupain lawmpuina puon insiltirna nei a nih.
Mikhuol 220 vel fe khawm a ni a. A tawp zân thu le hlaa inpawltlangna (Fellowship) hun hlimum tak hmang a nih.
Report: Evan. Sema Faihriem, CKTP Media Ministry Correspondent
I like this website because so much utile stuff on here : D.