Kristien Thalai Pawl, Aizawl Presbytery chun Thlaphal 6th-8th, 2026 khan Zemabawk Kohran Biek Inah “Pathien Chibai Buk” Johan 4:24 ti thupui Conference vawi 31-na tluong taka hmang a nih.
Zirtawpni Dar 1 ah nomination inthung a ni a. Unit Panga anthawk mikhuol fekhawm a ni a. Zan dar 6 a inkhawm tan niin Upa R. Vanlalawi, Aizawl Presbytery Chairman in Conference hawngna neiin, KTP hlapui “Lal Iengkim Thawthei” sakna nei zui nghal a ni a. Pu Gospelthang, Vice Chairman, KTP Aizawl Presbytery in inkhawmpuia hung hai lawmlutna a neia. Pro Pastor Rohluosang in Pathien chibai buk hmangin thuhrilna a nei a. Lengkhawma inruolsiekna Unit Pali anthawk nei nghal a nih. Inkhawm tin ah Common Subject exam nei sunzawm nghal a nih Inrinni tuk inkhawm na hunah Inelna hieng Hlapawl le Group Song hmanga inelna nei zawm a ni a ni a. Hlapawl ah Unit Pali inruolsiekin Group Song-ah Unit Pathum anthawk inruolsiekna nei a ni bawk. Inkhawm tin Dar 12:30 charin Palai rorel a ni a. Member present 65, Apology 3 le Absent 1 an um a. Pu Rosangzuol, Chairman in rorel a keithuoi a. Pu C. Lalremsang, Secretary in Palai hming lamna neiin Upa R. Vanlalawiin rorel tluong taka nei ani theina dinga tawngtaina nei zovin rorel tan a nih. Resolution 21 zet pass a ni a. Kum 2026-2029 thuoitu thlangna nei a ni a, Central Committee member le Kum 2027-a CKTP Conference Palai ding thlangna nei sunzawm nghal a ni a. Zantieng Dar 6:30 in rorel zo a nih.
Kum 2026-2029 thuoitu thlang thara um hai chu:
Chairman: Pu Gospelthang
Vice Chairman: Pu Rosangzuol
Secretary: Pu Vanlalawmpuia Zote
Asst. Secretary: Pu C. Lalremsang
Finance Secretary: Pu Fimthangvung
Treasurer: Nk. Immanuel Hmingchullo
ODC Finance: Pu C. Lalruatsanga
Birthday Gift: Pu Ramthangluoi
Committee Member:
- Pu Lalrotlung, Sesawng
- Pu Joshua Lalringnghet, Aizawl
- Tv. Laltlanthang, Zemabawk
- Pu Lalremruata, Dapchhuah
- Pu Josef L. Hmar, RSC Vengthlang
Central Committee Member: Pu Solomon V. Hmar
Kum 2027 General Conference Palai ding thlangna nei a ni a, hieng hai hi thlang an nih:
- Pu James Mawia
- Pu Joshua Lalramsan
- Pu Jacob Lalumpui
Inrinni zanah Pathien thutak Pu Rosangzuol, anthawk ngaithlak niin Pathienni tuk Pastor H. Lalhmunsiam anthawk in hring tak tak ngaithlak a nib awk. Pathienni chawhma inkhawm tin ah Variety Program nei a ni a. Hi huna hin Unit tin anthawk item hmu nuom um tak tak hai inentir a ni bawk. Pathienni zantieng Dar 3 anthawk Fundraising puola Banquet buotsai a ni a. Pathienni zanah Rev. Joseph Malsawmzuol anthawk Pathien thu hlawktlak tak el ngaithlak niin, hi huna hin Pastor H. Lalhmunsiam in Thuoitu thlang thara um hai tawngtai pekna a nei a. Pu Rosangzuol, Out-going Chairman, Aizawl Presbytery in Lawmthu hrilna a nei a, kum nawk Sub Headquarter, Aizawl Kohran a inhmu nawk dingin an thla zovin Rev. Joseph Malsawmzuol, Presbytery Secretary in Conference kharna le malsawmna hrilin Conference a khar a nih.
Inkhawm tin charin Thuoitu thar hai le a hlui hai charge inhlanna Rev. Joseph Malsawmzuol inrawina hnuoia nei a ni a nih.
Conference khar ta hnung nisien khawm Program a a um angin Hla Ruoi buotsai a ni a. Hi huna hin result puongna le lawmman semna hun nei sa a ni nghal bawk. Lawmman hi sumfai le Citation inhlan sa an nih.
Hlapawl Inruolsiekna
1st-Aizawl Unit
2nd- RSC Venthlang Unit
Lengkhawm
1st – Aizawl Unit
2nd-Sesawng Unit
Group Song:
1st- Sesawng Unit
2nd-Zemabawk Unit
Common Subject a lawmman pakhatna la tu Mr. Laltanthang, Zemabawk Unit inhlan a nih.
A pumpuia ODC Pe tha tak RSC Vengthlang Unit lawmman inhlan an nih.
Secretary Report dungzuiin Inkhawmpui fe khawm po hi mi 203 niin, Unit tin anthawk member zat hieng ang hin a nih.
- Dapchhuah Unit-20
- RSC Venthlang Unit-40
- Sesawng Unit-80
- Zemabawk Unit-91
- Aizawl Unit-105
Inkhawm zatin Unit tin anthawk hlapawl ngaithlak a ni bakah Nk. Judy Lalnunsiami, Rev. Thangngur Music Awardee 2026 anthawk hla hring tak tak ngaithlak hlak a ni a. Aizawl Presbytery Choir anthawk khawma hla hring tak tak ngaithlak a ni bawk.
Report Petu:
Fimthangvung































