Assam Hills Presbytery KTP 60th Conference-Cum-Diamond Jubilee (1965-2025)

ICI Assam Hills Presbytery KṬP hi January 15, 1965 khan Presbytery inkhawmpui huna Presbytery Musical Society Annual Session chun, Ṭhalai Pawl member ei hung pung pei ta leiin, inkhâikhâwmna N.C. Hills District Committee indin ni ta sien tia a rêl angin, Pastor H.V. Sunga Convenor-a ruotin inkhawmpui hmasatakna ding Muolhoiah April 1965 khan ko a nih. Ṭhuoitu hmasatak hai:

Chairman: Pu Ngaibulsiek
Secretary: Tv. Roding Pulamte
Fin. Secretary: Pu Thosiek Zate
Treasurer: Pu Hlithang Hrangate hai an nih.

N.C. Hills Ṭhalai Pawl chu ṭhuoitu hmasa hai harsatna le rinumna tamtak kara, ṭhuoitu hung ni pei hai inpêkna zarin, Diamond Jubilee chen tlung thei taa ei um hi Pathien mi ṭhuoina zar lieu lieu a ni leiin mi ṭhuoi tlungtu Pathien kuoma ropuina um raw seh. Diamond Jubilee lawm dingin PKṬP Committee chun Presbytery Standing kuoma hnina a siem ang takin tarik 17 – 19 January 2025, ICI Sub. Hqrts., Muolhoiah hlawtling takin programme hmang a nih.

Hi hun mi hmangpui dinga fiel hai:
Speaker: Rev. H.P. Runremthang, EAL, fiel a ni angin Pathien thu ropui tak tak amaa inthawk ngaithlak a nih.

Hlaa rawngbawltu ding Special Invitees:
Nk. Quilyn Lalrovel
Nk. Evan. Lalṭhapui Faihriem
Nk. Lalrinhlu Infimate
Nk. Lily Lalparmawi Joute
Presbytery Choir le
Unit Hlapawl mawi tak tak hai anni a’nthawk ngaithlak a ni bawk.

Report inchiktlak ṭhenkhat:

1. Mikhuol-
    a) Riek lut po – 349
    b) Inlân po – 250

2. Tarik 17 January, Zirtawpni sûn 1:00PM-ah Conference Session nei ṭan a ni a, Palai present-148, Resolution 15 passed a nih. Thurel pawimaw ṭhenkhat:

a) Tuta ṭum hin Asst. Secy. le ODC Finance Secretary thar thlangna, Presbytery Standing-in Commission mi hung tirpekin, Asst. Secy. dingin Pu Ebenezar Keivom le ODC Fin. Secy. dingin Pu Lalrochan Faihriem hai thlang an nih.

b) Presbytery huopin “Sandamna Camp” Agape Centre, Retzawl hmuna hmang dinga rêl a nih.

c) Foundation Star member chawimawina pek hlak le Rules & Regulation review dinga rel le passed a nih.

d) 41st KṬP General conference palai dinga ruot hai:
(1) Pu Lalronghak Joute
(2) Pu L.R. Joy Tuolor
(3) Pu Paul Lalnunsang Thiek
(4) Tv. Albert L. Pangulate
(5) Pu Ngamchunglur
(6) Nk. Rabony Keivom
(7) Nk. Judy R. Keivom
(8) Nk. Lalianpuii Ngente
(9) Nk. Lalfamkim Vankal

3. Jubilee lâwmna (18 January 2025):

a) Diamond Jubilee lung hawngna Rev. S. Thanga Thiek, P.S-in a nei a, Presbytery Choir a inthawk ICI Hlapui (Independent Memorial) hla ngaithlak a ni zovin, Speaker, Active Pastors, Ṭhuoitu hmasa, le Unit tin Chairman mi 60 thlang suok haiin Jubilee dar vuokna an nei.

b) Diamond Jubilee Souvenir mawi tak buotsai a ni a, Rev. H.P. Runremthang, EAL-in tlângzarna a nei.

4. Diamond Jubilee Voice Hunt (Solo competition) Final round le Quartet inruolsiekna “Ni ropuitak hung tlung ding” KTS Hla Bu No. 212 (AMS 1st Edition) unit 8 a inthawk inruolsiekna nei a nih.

5. Pathienni (19 January 2025) 10:00 AM inkhawm:

a) Conference kar laka ṭhalai member chatuon ram mi lo inlâwisan hai sûnna hunser Pastor Lalsanghuol, Buolmuol in a hmang.

1) Pu Samy Zohmingthang Joute
2) Pu James Pulamte
3) Tv. Varneisang Lungtau
4) Tv. Lalthuthlung Zate
5) Tv. El-Nathan Ngente hai an nih.

b) A zâwna 50 conference ṭhang thei hai chawimawina pek an nih – Upa Laibuon Hmar le Upa H. Neikam Sungte.

c) KṬP 50 years Active member Award mi 13 hai inhlân an nih.

d) Kohran dân thienghlima innei mi 8 hai kuoma lawmpuina thilpek inhlan an nih.

e) Presbytery Choir member a zâwna kum 5 ṭhang hai kuoma chawimawina pek a nih.

f) Diploma in Tonic Sola exam pass Tv. Albert L. Pangulate le Pu Josia Zate hai kuoma chawimawina inhlan a nih.

g) District Foundation Fund star member chawimawina hi mi 50 kuoma inhlan a nih.

6. Hlapawl Inruolsiekna:

Tarik 19 January, Pathienni sûn inkhawm ṭinah hlapawl  Group A “Jordan Ral Tieng” Hlapui Bu No. 8 le Group B “Lal Isu’n Misuol a Lawm” KTS Hla Bu No. 189 hai nei a nih.

7. Lawmman dawngtu hai –

Group A Choir:
1^st: MUOLHOI UNIT
2^nd: RETZAWL UNIT
3^rd: LOWER MUOLHOI UNIT le HUONVENG UNIT

Group B Choir:
1^st: DIPHU UNIT
2^nd: HEBRON UNIT

QUARTET:
1^st: MUOLHOI UNIT
2^nd: BETHEL UNIT
2^nd: DIPHU UNIT
3^rd: BUOLMUOL UNIT
3^rd: HUONVENG UNIT

Solo Competition:
1^st: Nk. Elina L. Sungte, Bethel Unit
2^nd: Nk. Mercy Lalumpui Joute, Doiheng Unit
3^rd: Jennifer Zate, Saron Unit

All Round Activities Award:
Bethel Unit hai kuoma inhlan a nih.

8. Statistical Report
Presbytery sûnga Unit um zât = 17
Members = 945
Pasal = 664
Nuhmei = 281

Lawmman semna Chairman le Secretary haiin hun hmangin, Programme hlawtling taka ei hmang theina dinga hma latu hai kuoma lawm thu Chairman PKṬP-in hrilin, kum thar 61^st Conference hmun ding Buolmuol ti puonga, KṬP Hlapui “Lal Iengkim Thawthei” sak a ni zovin, Pastor H. Robert, Retzawl in 60^th Conference kharna a nei.

SINGING FESTIVAL – Inkhawm ṭin Singing festival Nk. Lalrawnzo Tuolor le Rev. H.P. Runremthang, Speaker haiin mi ṭhuoiin Rev. Thangur Awardee hai le Diamond Jubilee Solo  lawmman dawngtu 1^st  -3^rd la hai a’nthawk Pathien hla mawi tak tak ngaithlak a ni a. “Redeemers” Bethel Unit a inthawk “Ka Chawl Pha Chun” group song mawi tak (special bass) in mipui an mi’n awi a, Rev. H.P. Runremthang a’nthawk hla “Aw Ka Damlai Tuipui Fâwn” ti hla ngaithlain, ṭhalai fekhawm haiin chu hla chu zawm a, mit tui le lungril taka sak a ni zovin, PKṬP Chairman Pu Rohluothang Vankal in Pathien kuoma ṭawngṭaina neiin, inngaitak pumin Conference chu ṭumṭiek a nih.

Photos: Tap to enlarge