Cachar Presbytery KTP Conference Vawi 62-na Report & Photos

The 62nd Cachar Presbytery KṬP Conference chu October 25-27, 2024 sûng Sub-Hqtrs. Hmarkhawliena nei a nih.

Thupui: ‘Krista Ta Dinga Ṭhalai’

Tlungkim zân hun hmasataka KṬP Hlapui sakin Rev. Lalsuokhup, PS-in Conference hawngna a nei. Upa Sungrokhum, Presbytery KṬP Chairman-in Inkhâwmpui vawi 62-na hmang dinga hunghai Pathien Thlarau malsâwmna tamtak dawng dingin lâwmlutna a nei.

Pastor H.K Bena, Pastor Lalrochung, Pastor Solomon Tuolor le Rev. Lalsuokhup hai a inthawk ‘Krista ta dinga Ṭhalai’ ti thupui hmangin Pathien thu ṭha tak tak ngaithlâk a nih.

Inkhâwm zâtin Cachar Presbytery Choir, Nk. Lalhmunmawi le Nk. Lily Lalparmawi, Rev. Thangngur Music Awardee hai a inthawk inpâkna hla hring tak tak el ngaithlâk a nih.

Inrinni dâr 10:15 AM – 5:10 PM sûng Palai 121, Unit 17 a inthawk fêkhâwmin Conference Rorêlna neiin Resolution 17 lâk a nih.

2025 Conference Hlapâwl inruolsiekna Common Sound Track hmanga inruolsiekna nei ta ding.
Presbytery KṬP Committee ha’n an Term sûng Unit-tin kânna nei an tih.

Inkhâwmpui sûng mipui hlasakna hi Keyboard 3 le Guitar 2 hmangin Live Music remin, mipuiin Pathien inpâkna hlimtaka nei hlak a nih.

Kum dang naw ang takin Assam Direct Recruitment Exam a um leiin October 25 & 26, 2024 zân Worship Service zova Thu le Hla inruolsiekna hun hmangin – Hlapawl, Lengkhawm, Group Song le Bible Thu hai inruolsiekna nei a nih.

Lâwmman Dawngtu Unit hai

Hlapawl
1st – Hmarkhawlien Unit
2nd – Sonbari Unit
3rd – Kumba Unit

Bible Thu
1st – Dolakhal Unit
2nd – Muoldam Unit
3rd – Hmarkhawlien Unit
3rd – Sub-Hqtrs. HKL Unit

Group Song
1st – Hmarkhawlien Unit
2nd – Sub-Hqtrs. HKL Unit
3rd – Dolakhal Unit

Independent Hla Lêngkhâwm
1st – Diglangmukh Unit
2nd – Dolakhal Unit
3rd – Sub-Hqtrs. HKL Unit
3rd – K. Phailien Unit

Overall Activities – Sonbari Unit

Statistics Report

Ṭhalai Member um zât:
Nuhmei – 276, Pasal – 474; Total – 754

Theology inchûklai mêk:
B.Th – 2, B.D – 1, M.Div – 2

Rawngbâwltu thar um zât – 2

Conference kârlaka mithi um zât – Nil

Secular tienga Hlawtlingna chang thar um zât:
HSLC – 17
HSSLC – 28
Degree – 07
Other Profession – 01

Ṭhalai laia sin nei (Govt. Company, Mission, Private, NGO & Others) um zât – 137

Bible tiem suok, Secular & Other Profession le Theology tienga hlawtlingna changhai le Govt. sin hmu tharhai Chawimawina le Lâwmpuina Thuziek mi 35 inhlân an nih.

Tonic Solfa hlawtlingna chang thar Junior – Tv. Zaiawithang, Sub-Hqtrs, Intermediate – Jire Lalditsak, Muoldam le Diploma – Josia Zate Sub-Hqtrs. hai Presbytery Musical Board, Cachar Presbytery-in Certificate an pêk.

October 27, 2024 Pathienni zân Worship Service ṭinah Hla Ruoi le 2024 Conference Thu le Hlaa inruolsiekna Lâwmman semna umin Cachar Presbytery Choir in hnesawtaka hun keiṭhuoiin hun hmang a ni a. Cachar Presbytery Choir Rawngbâwlna ding in Challenge buotsai niin Upa Lalramlien Ralsun, PKṬP Vice-Chairman in Challenge-na hun hmangin tlawmngai tak tak Ṭhalai members haia inthawk ₹ 80,000 lai hmu suok a nih.

October 27, 2024 (Pathienni zân) KṬP hlapui sakin kum 2025 63rd KṬP Presbytery Conference, Muoldam-a inhmu nâwk ngei dingin dit khawp lo takin Conference khar a nih.

Thlalak hai hi suklien dingin click rawh.