CKTP Chairman le Vice Chairman Thar Thlang; Kum 5 Sûnga General Conference Innghatna Ding

ICI KṬP Executive Committee Sitting No. 281 chun Central KṬP Chairman thar dingin Upa V.L Renga Hriler le Vice Chairman thar dingin Upa Ramhlunsang a thlang.

CKṬP Chairman ni lai mêk Rev. Lalrohlu chu 75th General Assembly-in ICI General Headquarters-a Secretary sin thaw dinga a thlang leiin a mawphurna a chel sunzawm thei ta naw ding leia, KṬP Bye Law Bung 7, B(5) dungzuia, hi sin insiemremna hi nei a nih.

41st KṬP General Conference-in General Conference innghatna ding kum 5 pei a hma lâwka siem ta dinga a rêl angin, KṬP Central Committee Sitting No. 126-in proposal siemin, Executive Committee Sitting No. 281-in, râwn ṭulhai râwnin, vote lak ṭûlnaah vote lain, kum 5 sûnga General Conference innghatna ding a hnuoia ang hin a rêl:

2026 (Mipui) : Hmarphei
2027 (Palai) : Meghalaya East
2028 (Mipui) : Aizawl
2029 (Palai) : Tuivai
2030 (Mipui) : Tuiṭhaphai or Hmarbiel North

2030 hi ICI kohran kum 100 a tlingna Centenary kum a ni leiin, kohranin centenary lâwm dân ding a rêl dân la ngâichângin, a hnunga la sukfel ding a nih.