Discipleship & Counsellor Training (Phase 1) Report

KṬP General Conference Vawi 40-na thurel bawzuinain April 22 – 29, 2025 sûng khan Ṭhalai In, Hmarkhawlienah, Central KṬP le Ministries Department thawtlângna hnuoiah Discipleship & Counsellor training hlawtling taka hmang a nih.

Hi training-a hin Presbytery, Field le City Church haia inthawk mi 32 an ṭhang a, programme hi dit khawp lo taka hmang zo a nih.

Resource person hai chu:
1. Rev. Lalrohlu, Secretary, Ministries
2. Rev. Lalramlawm Inbuon
3. Rev. Evan John, YCO
4. Rev. Rorelfel, AEAL

Hi training sûng hin Hmarkhawlien Unit Ṭhalai haiin, a bula inthawk a tâwp chenin, thlâi suongna sin an mi thaw pek vawng bâka Trainees hai po po zâlna ding puonthuo an mi buoipuipek vawng bawk a nih; hieng lawm lawma an tlâwmngâi thei le rawngbâwlna ropuitak an mi thaw pek hi inpâk an um tak zet. Lalpa’n Hmarkhawlien Ṭhalaihai malsawmin sukhrat thar pei sien la, mi dang ta dinga malsawmna ni pei dingin Pathienin ṭhuoi mawl raw se ti hi ei ditsakna le ei ṭawngṭaina a nih.

Hi training ei nei sûng hin kut hung rawl tamtak an um bawk a, chuonghai chu:
1. Hmarkawlien Sub. Hqtrs. KṬP: Sûn thingpui le bei
2. Jiribam Presbytery KṬP: Zîng thingpui le bei
3. Cachar Presbytery KṬP: Vawikhat hme
4. Cachar Presbytery Standing Committee: Vawikhat hme

Rawngbâwlna kut sukseitu hai po po chunga hin Central Committee le Ministries Board chu a lâwm tak zet a nih; Lalpa’n thilpeka rawngbâwl zawm pei thei dingin malsawm sien ti hi ei ditsakna a nih.

Trainees hai po po mani umna hmun senga thlarau bohmang lainatna inthûk tak nei a, rawngbâwlna an nei seng theina ding le Kohran ta dinga mi hmangtlak an hung ni ngei theina dingin ṭawngṭaipui an ṭul tak zet a nih. Ei rama hin Thlarau bohmang lainatna neia Counselling thaw thei Local tina hin um ṭeu inla, Counsellor ṭha hi insut pel zut zut inla ti hi ei duthusam chu a nih. Chu dinga ṭhang lâk le sin thaw pei thei dingin Lalpa’n Kohranhai mi sukhrat mawl sien ti hi ei nuom tak zet.

Training hi CKṬP Chairman Upa V.L Renga khawmin ni 3 sûng a hung uop ve thei a. Tarik April 27, 2025 (Pathienni) chawhnung dâr 2:00 PM khan ama le YCO inrawinain Cachar Presbytery KṬP ṭhuoitu le Hmarkhawlien sûnga KṬP Unit (Sub-Hqrs., Hmarkhawlien, Bethel North le Diger Compound) hai inpâwltlângna nei a ni nghe nghe.

Pathienin rem a ti chun May 5 – 10, 2025 sûng hin Tuiṭhaphai area ta dingin Prayer Muontain, Muolvaipheiah Discipleship & Counsellor Training nei nâwk dinga inbuotsai mek a ni a; hi huna khawm Pathienin trainees ding a mi pek theina ding le Pathien zâra hlâwk taka nei nâwk ngei a ni theina dingin ṭawngṭainaa lo hre mawl el tiu.

Report petu:
Rev. Evan John, YCO