December 22, 2024 khan ICI Central Choir-in Vulmawi Award 2024 Best Choir a dawng lâwmna Central KṬP le Secretariat-in Roberts Jubilee Chapel, Sielmatah a siem. Lâwmna hi session pahnia ṭhe a ni a, session pakhatnaah Choir member hai bufâkpuina le session pahninaah lâwmna inkhâwm nei a nih.
Choir member hai bufâkpuina hi Sielmat Bible College Campus-a nei a ni a, devotion tâwite Rev. Evan John, YCO-in a ṭhuoi a, Choir member hai kuomah Christmas gift semna nei a nih. Rev. Lalneikhup Hmar, Executive Secretary-in hun tâwite hmangin, Central Choir ṭhuoituhai kuomah lawmna thilpêk a pêk.
Lâwmman lâwmna inkhâwm hi Pu David Traite, CKṬP Executive Committee Member-in a keiṭhuoi a, YCO-in lâwmlûtna hun hmangin, Pu Diamond M. Tusing, Choir Conductor-in Vulmawi Award an dawng dân report a pêk. Executive Secretary le Upa Ramhlunsang, Choir Chairman haiin thu tâwite hrilin, Central Choir a’nthawk hla 2 ngâithlâk a nih. Choir hai award dawng Pathien kuoma lawmthu hrilna le an ta dinga ṭawngṭaipekna Rev. Dr. J.L Songate, Moderator-in a nei.
Kum 2025 – 2026 sûnga inchûk ding KṬP Common Subject ‘Vanglai Meiser’ tlângzarna, Christian Literature & Publication Committee keiṭhuoinain, Rev. H.B Hluothang, Vice Moderator-in a nei. Vanglai Meiser lekhabua hin Independent Kohran Hla 44 suizauna a um a, kum 2 sûnga inchûk dinga riruong a nih.
Rev. Dr. James R. Ruolngul, Secretary, Ministries-in Pathien thu hrilin, Rev. Lalrohlu, CKṬP Chairman-in lawmthu hrilna a nei; Rev. J. Thanglur, Secretary, Missions-in lâwmna thingpui le bei inhlanna neiin, malsâwmna hrilin inkhâwm a suktâwp.
(Tap on a photo to enlarge)
Hey! This post could not be written any better! Reading this post reminds me of my good old room mate! He always kept talking about this. I will forward this page to him. Fairly certain he will have a good read. Thanks for sharing!