29th Tuivai Presbytery KTP Conference Report

29th Tuivai Presbytery KṬP Inkhawmpui chu 25th – 27th October, 2024 khan Khawliana hmang a nih.

Tlungkim zân in KṬP Anthem ‘Lal Iengkim Thawthei’ ti hla inzataka sakin Inkhawmpui ṭan a nih. Zirtâwpni Zân hin rorêlna nei a ni a, Inrinni Zîngkar sunzawm nâwkin, resolution 16 zet passed a nih. Inrinni sûnah Games & Sports neiin insukhlimna hun nei a nih. Saitual Unit in hrâttak nina an chang.

Inkhawmpui hun sûnga Speaker hi Pu J. Lalhmahruaia, MCS, Phullen BDO (ama hi ei Presbytery sûnga officer ei nei ve sun a nih), Pastor Johny Laldinthar F Tusing le Rev. Laltlansung, PS hai an nih.

Unit a’nthawka Mizo Kristian Hlabu 1-100 chen sak suok theihai kuomah lawmman pêk dinga ti a ni angin Khawlian Unit haiin an saksuok vawng thei leiin lawmman inhlan an nih. Enfiena dingin hla 3 inpawttir an ni a, an saksuok thei vawng a nih.

Solo Inruolsiekna a lawmman dawngtuhai;
1st – (1) Nk. Ramnghakmawi, Saitual (2) Nk. Judy Lalnunsiami, Khawlian
2nd – Tv. C. Hossan, Saitual

Faiṭham lawmman latuhai-
1st – J Lalhruaizela (no 1220)
2nd – J Lalramnghaka (no 970)
3rd – Dominic Lalthangliana (no 933)

Tuivai Presbytery a Member um zât = 200
ODC petu = 106 (53%)
Birthday Gift petu = 60.

Tuivai Presbytery KṬP hin Ramthim rawngbawlna a ngaipawimaw hlê a, Unit tin bâka a Presbytery hin Missionaries an chawm seng a nih.

Kum nâwk 2025 30th KṬP Conference chu Saitualah innghat a tih.

(Click on the pictures to enlarge)

Report: Pastor Johny Laldinthar F. Tusing, Tuivai Presbytery Correspondent, CKTP Media Ministry