September 15, 2024 khan Tuiṭhaphai Presbytery KṬP Malzai Inruolsiekna (Solo Competition) round 3-na chu Khawmawi Biekina nei a nih.
Hi inruolsiek round 3-naa hin Top 5 ni mêk haiin, Kristien Hla Bua hla thlang sa (common song) le mani hla thlang (own choice) sakin, inruolsiekna an nei a, a hnuoia hai hi Top 4 dinga thlang suok hai an nih:
1. Rosy Roparmawi, Rengkai
2. Brigitte Lalringdik, Lamka
3. Christina Hmangaikim, Gilgal
4. Emmanuel Zarzokim, Saidan
Top 4 hai hi hung tlung ding September 26, Ningani zân dâr 7:30 PM hin Sielmat Fellowship Hall-ah Top 3 ding inruolsiekna nei nâwk an tih. Hi huna hin Independent Hla le mani hla thlang (own choice) sakin inruolsiek nâwk an tih.
Inruolsiekna programme-a hin ditsak fiel bîk Pi Khawlṭha Joute, w/o Pu Joufawnlien Joute chun thu hril tâwi neiin, organising board kuomah thilpêk pêkna a nei a. Top 5 hai hi Haire Hai Puon Dâwr neitu Tv. Lalsanglien Zote-in Hmar puon bât a lo pêk ta bawk a nih.
Malzai inruolsiekna a vawrtâwp (final round) ruok chu Tuiṭhaphai Presbytery KṬP Conference, October 26 – 27, 2024 hin Saidana nei ni’ng a ta, top 3 haiin inruolsiekna nei an tih.
Malzai inruolsiekna hi thla liem tah August khan Muolvaiphei biekina Audition Round-a ṭan a ni a, unit dang dang a’nthawk mi 11 an ṭhang. Round 2 chu Saikot North biekina nei a ni a, chu huna chun tuta top 5 hai hi thlang suok an nih.
