Tuiṭhaphai biel ta ding bîka Discipleship & Counsellor Training, May 5, 2025-a NPT Prayer Mountain, Muolvaipheia ṭan chu May 10, Inrinni khan dit khawp lo takin zo a lo ni tah.
Hi training hi Central KṬP, Tuiṭhaphai Presbytery KṬP le Ministries Board ṭhangkawpa buotsai a ni a, unit dang dang a’nthawk mi 19 an ṭhang.
Resource Persons:
1. Rev. Lalrohlu
2. Rev. H.P Runremthang
3. Rev. Dr. James R. Ruolngul
4. Rev. Lalramlawm Inbuon
5. Rev. Evan John
Training nei sûnga trainees hai fâk le dâwn ding hi Tuiṭhaphai Presbytery KṬP-in a buotsai a. Discipleship & Counsellor Training Phase 1 Ṭhalai In, Hmarkhawliena nei a ni huna Hmarkhawlien KṬP Unit-in fâk le dâwn an buotsaina thua lawmthu hrilna ₹ 10,000 pêka an um, rawngbâwlnaa a ṭûlna naa hmang dinga CKṬP an hung pêk kîr chu tuta Training neinaa fâk le dâwn buotsaitu Tuiṭhaphai Presbytery KṬP hai kuta inhlân a nih.
Training nei ding le inzawm hin Tuiṭhaphai Presbytery KṬP ṭhuoituhai chun unit tin kanna lo neiin, hi training hi a pawimawzie le ei ṭûlzie inhrilhrietna lo nei a nih.
Training-a ṭhanghaiin Training hi an hlâwkpui hle a. Rawng bâwl dingin an tha an za hle thu an hril.
