42nd Jiribam Presbytery KTP Conference Report

Jiribam Presbytery KṬP Conference vawi 42-na chu January 9 – 11, 2026 khan Khangbora hlawtling taka hmang a ni a, mikhuol 300+ fekhâwm a nih.

Zirtawpni zan Upa Lalkholien, Presbytery Chairman-in Conference hawngna a nei a, Pu Lalsanglien Nungate, Vice Chairman, Jiribam Presbytery KṬP-in lawmlutna hun a hmang.

Inkhawmpui sûng hin Tuisuolien KṬP, B,Huonveng KṬP, Buṭhangkhal KṬP, Khangbor KṬP a’nthawk HLAPAWL ngaithlak a ni a, Pastor Hranghminglien Varte, Pastor Lalbuotsai (Central Committee member), Upa Lalkholien (Presbytery Chairman) hai a’nthawk Pathien Thu ngaithlak a nih.

Jiribam Presbytery-a hin Tuolsung Kohran 15 a um a, Ṭhalai Unit 14 a um; KṬP Members po po mi 466 an nih. KṬP members khawsunga um nekin puotienga um an tam lem.

A hnuoia hai hi 42nd KṬP Conference huna inchûkna tienga hlawtlingna chang, chawimawina thuziek inhlan hai an nih:

1. Joshua Thangrolien Hmar, s/o Rosiem Hmar
B.A (History) St. Stephen’s College, Delhi – 76.82%

2. Lalzarlien, s/o Lalramhuol Hmar
B.A (pass course with History) G.C College, Silchar – 75.81%

3. Prsicilla Lalchullo, d/o Pastor Lalbuotsai Zote, Ankhasuo
Cl-Xll Sielmat Christian Higher Secondary – 78.8%

4. Elina Chawngneikim, d/o Lamkhothang Hmar
Khangbor, Bethesda School of Nursing, CCPUR – GNM

5. Lalruotmawi, d/o Solomon, Buthangkhal
Bethesda School of Nursing – GNM

Inrinni (January 10) sûn dar 12:00-in Conference rorelna nei a ni a, Resolution 18 zet passed in a um. Chungakhal ICI Kohran le inhrepawin an Biekin bawl ṭanpui dingin relin a um a, Pathienni tûk mipui lai tlawmngai zawng a ni a, Rs. 3,27,940 (Lakh thum, sing hni, zakuo sawmli) zet intiemsuok a nih.

Inruolsiekna Lâwmman la hai

1. Common Subject Vanglai Meiser Part 1 Examna
Lalthlanthang Mihriemate, Khangbor – 1st
Laldenlien Lungṭau, Khangbor – 2nd
Vasty Lalsangpui, Buṭhangkhal – 3rd

2. Lengkhawm Hla
Khangbor – 1st
K. Bethel & Bekrasuo – 2nd
Muolzawl – 3rd

3. Hlapawl Inruolsiekna
Buthangkhal – 1st
Zairawn – 2nd
Tuisuolien – 3rd

4. Quiz Inruolsiekna
Zairawn – 1st
Buṭhangkhal – 2nd
Khangbor – 3rd

5. Solo Competition Winner: Remedy Vanlalzin, B. Huonveng

6. 2025 Over All Activities: Buṭhangkhal Unit

Manipur buoina leiin kum hni lai mipui fekhâwma Conference hmang thei ta lo a ni leiin mipui fekhâwma Conference hmang theia um hi Ṭhalai hai an phûr a, Conference khawm inhawi kan ti hle. Pathienni Zan hun tâwpna Chalruolsung Hmar, Chairman JPKTP-in lawmthu hrilna neiin, Pastor Lalbuotsaiin Conference kharna a nei.

January 9 – 11, 2026 sûng hin Kohran dang dang hai khawm hi lai area vela inkhawmpui hmang an um a, thalai ruol fe khâwm ding a ni leiin Pu Rothangkhum Sungte, Jt. Secy. i/c Jiribam & Vangai le Pu Robert Gangte-in AR le CRPF tieng lo hril lawk pêkin, lampui invak vel buoina um loin zalen takin fe le hungna harsatna iengkhawm a um nawh.

43rd Conference chu K. Bethela innghat dinga rel a nih. Inngai tak pumin mani khuotieng panin inṭhe a nih.