62nd Hmarbiel North Presbytery KTP Annual Conference Report

Tarik 25 – 27 October 2024 sûng khan ‘KHUO LE TUI ṬHA‘ ti thupuia hmangin Hmarbiel North Presbytery Kristien Ṭhalai Pâwl, Annual Conference vawi 62-na chu Sinlung, Lungthulien-ah hlawtling taka hmang a nih.

Hi Inkhâwmpuia hin Unit 10 a inthawk mikhuol 170 vêl fekhawm a ni a, Chun reception-a in-report loa inlân khawm mi iemanizât an um bâwk a nih.

Inkhawmpui sûng hin Conference Rorêlna le Inruolsiekna: Thu (Bible châng), Hlapâwlpui, Group song le Lêngkhawm hla hai nei a nih. Inkhawmpui huna inruolsiekna haia lawmman latu hai:

Thu:
1^st – Tinsuong Unit
2nd – Talan Unit
3rd – Pherzawl Unit

Hlapawl:
1st – Pherzawl Unit.
2nd – Sinlung
3rd – Parbung North

Group Song:
1st – Tuolbung Unit
2nd -Tinsuong Unit

Lengkhawm:
1^st – Pherzawl Unit
2nd – Parbung North
3rd – Parbung South

Best Activity 2024: Pherzawl Unit

Chun, Conference sûng hin fiela um angin Nk. Lalrinhlu Infimate, Rev. Thangngur Awardee 2022 a inthawk inkhâwm zât inpakna hla ngaithlak a ni a, chun KṬP Pherzawl Unit a inthawk hlapâwl ngaithlak a ni bawk a nih. Upa Lalruotṭhieng, Pastor Lalsanglawm, Rev. Lalthangkung, Pastor Lalronghak le Rev. Rev. Timothy Lalzuimawi, PS haia inthawk ‘KHUO LE TUI ṬHA’ ti thupui hmangin Pathien thu ropui tak tak el ngaithlak a ni bawk a nih.

Tarik 26, October, 2024 (Inrinni) chawhnungah Conference Rorêlna nei a ni a, Palai 85 lai fekhawmin, Resolution 17 lai pass a ni a; chun Pathienni chawhnung tieng ‘A Christian Youth Response to Social Issues’ ti thupuia hmangin Seminar nei a ni a, Resource Person Rev. Timothy Lalzuimawi, PS-in hnesaw takin a hril a, Ṭhalai member-haiin an hlawkpui hle.

Conference Secretary Report, Unit a inthawk a report form 2024 dungzuiin members 385 an um a, hi tak a hin Unit Pakhat Conference-a hung thei lo an um leiin report naah an ṭhang sa naw a nih. Kum 2025 KṬP Annual Conference vawi 63-na chu Talan khuoa innghat dinga ti a nih.

Pathienni zân inkhawm ṭin hin Presbytery KṬP huoihawtna hnuoiah Biekin tuol zâwlah Gospel Sound for Pherzawl & Jiribam Dist. Crisis hmang a ni a, hi hun a hin fiel bîka um Nk. Lalrinhlu Infimate le Local Artistes: Nk. Lalchawlkim, Nk Vasty, Pi Chhungneihching le Pi Ramengmawi hai a inthawk inpâkna hla ngainuom um tak tak el ngaithlak a ni a. Hi taka sûm hmu suok hai hi rambuoina leia harsatna tuok mêk Pherzawl le Jirbam Dist. ṭhangpuina dinga ti a nih.

Thlalak hi suklien dingin click rawh.