YCO A’nthawk Lawmthu Hrilna

A hmasatakin ICI Kristien Ṭhalai Pâwlhai, hung nâwk vak ta ding ei Lalpa Isu Krista hmingin chibai ka hung bûk cheu.

Thla hmasak (August, 17 – 22, 2024) Delhi-ah program ka zu hmang zo, ka hung inlâwi tieng, natna ka la hriet ngâi dêr lo (Scrub Typhus)-in ka na thut el a; Aizawl ka tlung hnungin Guwahati tieng inenkawl dingin kan fe nâwk nghâl a.

Guwahati kan tlung charin Guwahati Ṭhalai Pâwl ha’n an mi lo tuok a, Downtown Hospital mi panpuiin a ṭûl ang ang an mi buoipui pêk vawng a, lâwmum ka ti tak zet a nih.

Chu el bâka, mâni umhmuna theitâwpin, Pathien kuomah, ka damna dingin in mi lo ṭawngṭaipui bawk a; in mi ṭawngṭaipuina hai Pathienin a dawn a, tuhin chu mani inlum ngeia umin, rawngbâwlna sunzawm thei nâwkin ka um dêr an tah.

In mi ṭawngṭaipuina le in mi ngaituona hai po po lei khan lawmthu ka hung hril tak zet a nih.

Ṭhalai lâia rawngbâwl dingin mâni nina rênga ei tlin naw nâksapa ei la hang damnaw nâwk lem hi chu inthlahrung um chu ka ti thei ngawt el. Sienkhawm ka nîna ang anga hmangai tak le hrethiem taka ka chunga Ṭhalaihai in um hi ka lâwm tak zet a nih.

Kristien Ṭhalai Pâwlhai, Pathienin ei umna hmun senga a Thlarau Thienghlimin mi kan thar sien la, Krista le A ram ta dinga pâr mawitak ienga chanchin ṭha pâr suokpui thei ngêi dingin mi ṭhuoi mawl sien, tiin ka ditsakna ka’n hlân bawk cheu a nih.

In rawngbâwlpui,

Rev. Evan John